1930 və 40-cı illərdə cərəyan edən hekayədə Guy (Stuart Townsend) Kembricdə təqaüdlə oxuyan irlandiyalı bir gəncdir. Hələ on səkkiz yaşı olan Guy, bir gün qəfildən otağına girən yarı amerikalı, yarı fransız bir qıza, Gilda-ya (Charlize Theron) vurulur. Varlı bir ailənin qızı olan və həyatını bu zənginliyin gətirdiyi rahatlıqla yaşayan Gilda ilə Guy arasında illərlə davam edəcək və bəzilərinin fəlakətinə səbəb olacaq bir eşq başlayır. Məktəbi bitirdikdən sonra Guy və Gilda, Parisdə Gilda-nın ispan mühacir dostu Mia (Penelope Cruz) ilə eyni evdə yaşamağa başlayırlar. Lakin İkinci Dünya Müharibəsi qapıdadır. Guy və Mia müqavimət hərəkatına qoşulub faşizmə qarşı vuruşmağa qərar verirlər və onlardan çox fərqli həyat tərzi sürən Gilda-nı tərk edib gedirlər. Müharibə zamanı Mia ölür, Guy isə Gilda ilə yenidən görüşə bilmədiyindən İngiltərəyə qayıdır. Bir müddət sonra ingilis kəşfiyyat zabiti kimi yenidən Parisə gələn Guy, Gilda-nı alman zabitləri ilə birlikdə görür.