San-Fransiskoda məşhur şəxslərin bir-bir öldürülməsi ilə polis detektivi Harri Kallahen (yaxud Kirli Harri) yeni bir cinayət istintaqına cəlb olunur. Qətllərin arxasında məşhurların ölümü ilə bağlı gizli bir mərc oyunu – “ölüm qumarı” dayanır. Bu oyunun yaradıcısı məşhur kinorejissor Svandır. Siyahıya əsasən, ilin sonuna qədər hansı məşhurların öləcəyi proqnozlaşdırılır. Lakin işlər ciddiləşir; siyahıdakı adlar həqiqətən də ölməyə başlayır və Kallahen öz adının da siyahıda olduğunu öyrənir. Cinayətləri araşdırarkən bir tərəfdən intiqam arzusunda olan mafiya başçısı ilə, digər tərəfdən isə ona maraq göstərən televiziya müxbiri Samanta ilə məşğul olmalı olur. Hadisələr irəlilədikcə Svannın sadəcə bir hədəf olduğu, əsl qatilin isə psixopat olduğu üzə çıxır. Kallahen sonda qatili limanda yaxalayır və ədaləti bir daha öz üsulları ilə bərpa edir.