11 yaşlı North (Elijah Wood) valideynlərinin işləri ilə əlaqədar ona kifayət qədər vaxt ayırmamasından əziyyət çəkir. Bir oyundan sonra ticarət mərkəzindəki gizli yerinə gedən North, burada dovşan kostyumu geyinmiş bir adamla (Bruce Willis) tanış olur və dərdini ona açır. Məktəb qəzetinin redaktoru olan dostu Winchell, North-un hekayəsini qəzetdə dərc edir. Bir vəkil North-a valideynlərini ona laqeyd yanaşdıqları üçün məhkəməyə verə biləcəyini deyir. Hakim North-un iddiasını haqlı hesab edir və ona yeni valideynlər tapması üçün müəyyən vaxt verir. Bu xəbər yayıldıqdan sonra North-a potensial valideynlərdən məktublar və təyyarə biletləri yağmağa başlayır. Fantastik janrda ailəvi komediya filmi.