Chazz (Fraser), Rex (Buscemi) və Pip (Sandler) adlı üç dost The Lone Rangers adlı rok qrupu yaradıblar. Chazz daim radio stansiyasına gizlicə girir, amma heç cür öz mahnılarını səsləndirə bilmir və buna nail olmadan onu qovurlar. Chazzın sevgilisi ilə etdiyi son mübahisə bu istəyini daha da gücləndirir. Üçlüyün daha əvvəl getdikləri bir yerdən qalan bəzi oyuncaq silahları və başqa əşyaları var. Daha sonra yenidən stansiyaya gizlicə girən ikili oradakılarla dalaşır. Rex oyuncaq silahlardan birini çıxaranda isə oradakılar onu həqiqi silah sanırlar. Chazz, Rex və Pip radio DJ-i (Joe Mantegna) də daxil olmaqla, stansiyada işləyənləri girov götürürlər. Bir müddət sonra artıq böyük pərəstişkar kütləsi toplayan qrupun üzvlərini heç kimə zərər yetirmədən azad etmək üçün polis yollar axtarır. Lakin səsyazma kasetlərindən biri zədələnəndə üçlük polisdən kasetin digər nüsxəsini istəyir. Nüsxə isə Chazzı tərk edən sevgilisindədir; o isə əsəbindən kaseti çoxdan yola atıb. İndi polis əməkdaşı Wilson (Chris Farley) onu tapmağa çalışır.