İtlər aləmi üçün pis xəbər! Xəz düşkünü Cruella De Vil həbsxanada keçirdiyi üç il ərzində xəz asılılığını müalicə edib və sağalmış şəkildə azadlığa çıxır. Təkcə bu da deyil; Cruella artıq heyvanları dəlicəsinə sevən, onlara şəfqətlə yanaşan əsl heyvansevərə çevrilib. Şərti azadlığa buraxılmasına nəzarət edən məmur Cloe-nun dalmatinlərinə xüsusi rəğbət bəsləyən Cruella, heyvanlarla bağlı bir qurumun xeyrinə çalışmaq istəyir. Lakin Big Ben saat qülləsindən gələn o nəhəng səs Cruella-ya keçmişini xatırladacaq və o, yeni şəxsiyyətinin verdiyi üstünlükdən istifadə edərək məkrli planlar qurub yenidən köhnə Cruella-ya çevriləcək.