Samsara, sanskrit dilində "sonsuz döngü" və ya "yenidən doğuş döngüsü" mənasını verir və sənədli film də məhz bu mövzuya toxunur. 25 fərqli ölkədə 5 il ərzində çəkilmiş heyranedici görüntülərlə təbiətin, insan həyatının, müasir dünyanın və ruhani ənənələrin bir döngü içərisində necə bir-biri ilə bağlı olduğunu gözlər önünə sərir. Dialoqsuz təhkiyə yalnız görüntülər və musiqi ilə qurulur ki, bu da izləyiciyə dərin vizual və emosional təcrübə bəxş edir. Təbii gözəlliklərdən müqəddəs məkanlara, müasir sənayedən istehlak cəmiyyətinin xaotik dünyasına, ölümdən yenidən doğuşa qədər geniş bir perspektivdə insanlığın varoluşunu araşdırır. Xüsusilə fabrik işçiləri, şəhər həyatı, müharibə, təbii fəlakətlər, dini ayinlər və müxtəlif mədəniyyətlərdən olan insanlar kimi mövzular üzərində dayanaraq, sivilizasiyanın inkişafı ilə ruhaniyyət arasındakı əlaqəni sorğulayır.