1847-ci ildə, Meksika-Amerika müharibəsi zamanı kapitan Con Boyd (Guy Pearce) vəzifədə yüksəlir. Bu təyinatdan sonra Boyd Nevadanın qarlı dağlarında yerləşən ucqar bir hərbi hissəyə göndərilir. Burada o, komandir Hart, dindar Toffler və Klivslə tanış olur. Boyd qrupa qoşulduqdan sonra, donmaq və aclıqdan ölmək üzrə olan Kolhoun (Robert Carlyle) adlı bir yadelli də onlara qatılır. Kolhounun dediyinə görə, onların rəisi Ayvs qarlı mağarada qaldıqları zaman sağ qalmaq üçün dəstə üzvlərini yeyib. Bundan sonra Boyd və digərləri hadisənin baş verdiyi mağarada başqa sağ qalanların olub-olmadığını yoxlamaq üçün yola düşürlər. Lakin Boyd qədim hinduların "Weendigo" adlandırdığı, insan əti yedikcə daha da güclənən və doymayan fövqəltəbii bir yamyamın hücumundan qorxur. Görəsən, o, bu yamyamın qurbanı olacaq, yoxsa onun yaratdığı yamyamlar dəstəsinə qoşulacaq?