The Mentalist

Məşhur bir medyum, Kaliforniya İstintaq Bürosunda kritik işləri həll etmək üçün məsləhətçi kimi işə başlayır. Onun əsas məqsədi həyat yoldaşını və qızını öldürən “Red John” adlı qatili tapmaq və cəzasını şəxsən özü verməkdir!

Napa Vadisindəki bir üzüm bağında Melanie O’Keefe adlı qadının cəsədi tapılır. Lisbon cinayətin iki sevgili arasında yaşanan bir mübahisə nəticəsində törədildiyini düşünür.

Gənc bir sörfçü qızın cəsədi Santa Marta sahilinə çıxır. Qızın sörfçü dostlarının çoxu şübhəlidir. İstintaqda əsaslı bir ipucu tapılmayınca, Jane hipnoz qabiliyyətlərindən istifadə edir.

Varlı bir bankir evindəki gizli sığınacaqda ölü tapılır. Qatili tapmaq üçün CBI komandası qurbanın şəxsi həyatını araşdırmağa başlayır.

Meşədə bıçaqlanaraq öldürülmüş bir qız tapılır. Yaddaşını itirmiş ən yaxın dostu cinayətin bir nömrəli şübhəlisi kimi görünsə də, Jane buna o qədər də əmin deyil. O, öz qabiliyyətlərindən istifadə edərək hadisəni xatırlamasına kömək edir.

Kaliforniya-Nevada ştat sərhədində otel və kazino sahibinin kəsilmiş əli tapılır. CBI mafiya cinayətindən şübhələnir. İstintaq zamanı Jane kazinoda kartları sayaraq pul qazanmaq şansı əldə edir.

Avtomobilin vurub qaçması nəticəsində varlı bir qadın ölür. İstintaq CBI komandasını mərhumun mütəmadi olaraq ziyarət etdiyi medyum bir qadına aparır. Bir vaxtlar medyum olan Patrick Jane, qadının dələduz olduğundan şübhələnir.

CBI, iki Davis polis məmuru ilə narkotik işi ilə bağlı ikiqat cinayəti həll etmək üçün birlikdə işləməyə məcbur olur. Lakin CBI komandası məmurların başqa bir işin qurbanı ilə əlaqəli ola biləcəyindən şübhələnir.

CBI üç yanğın hadisəsini araşdırır. Bu hadisələrlə əlaqəli olan şəxslər eyni daşınmaz əmlak şirkətində fəaliyyət göstərib və hamısı milli müdafiə bölməsində xidmət ediblər.

Bir nevroloji elm layihəsi çərçivəsində heyvanlar üzərində bəzi təcrübələr aparılır. Bu elmi layihə ilə bağlı bir cinayət törədilir. Cinayəti aydınlaşdırmaq üçün Jane-in bir tanışı ondan kömək istəyir.

Jared Renfrew, evlərindəki xidmətçinin qızına təcavüz edib öldürmək ittihamı ilə məhkum olunub. Red John-u tanıdığını deyən Jared, günahsızlığını sübut edərsə, Jane-ə Red John-un yerini deyəcəyinə söz verir. Jane razılaşır, lakin bunun üçün istefa verməlidir. Bütün CBI agentləri də ona kömək etmək üçün böyük riskə girirlər. Jane söz verdiyi kimi onun günahsız olduğunu sübut edir və Jared azadlığa çıxır. Lakin Red John CBI-ın kompüter sisteminə daxil olub və agentlərdən bir addım öndədir!

Kiçik bir qəsəbədə istedadlı gənc bir futbolçu ölü tapılır. Görünüşdə qara magiyaya inananların təşkil etdiyi bir mərasimdə qurban edilmiş kimi görünsə də, həqiqətlər Jane-in gözündən yayınmır!

CBI, məşhur bir iş adamının ölümü ilə çox bahalı bir tablonun oğurlanması hadisəsinin bir-biri ilə bağlı olduğunu kəşf edir və istintaqa başlayır. Rus milyarder və incəsənət kolleksiyaçısı Shirali Arlow-un bu müddətdə çox pul qazanması diqqətləri üzərinə çəkir. Lakin diplomatik toxunulmazlığının olması Jane-in işini çətinləşdirir.

Varlı bir iş adamının həyat yoldaşı, elit bir termal kurortda öldürülür. İş adamı, şıltaqlıqlarından bezdiyi üçün artıq görməzdən gəldiyi arvadının ölümündə əsas şübhəli olur. Kurortda varlı arvadları yoldan çıxarıb özünə aşiq edən bir “Kasanova” da var! CBI komandası bu ikilini izləməyə başlayır.

Varlı bir zərgərlik dizayneri bir məclisdə zəhərlənərək öldürülür. CBI istintaqı, mərhumun ətrafındakı bir çox insanın ikiüzlü davranışlarını ortaya çıxarır. Zərgərlik məmulatları, narkotik, mafiya, intiqam... Jane-i bu işdə olduqca qarışıq hadisələr gözləyir.

CBI, “Tapacaq qədər ağıllısan?” mesajı ilə daha bir bomba xəbərdarlığı alır! Bu dəfə xəbərdarlıq gerçəkləşir... CBI komandası birja brokerinin qətlini araşdırmaq üçün yola düşməzdən əvvəl bomba partlayır və Patrick bu hadisədə yaralanaraq müvəqqəti kor olur. Patrick parlaq zəkası və güclü instinktləri ilə kor olmasına baxmayaraq, hadisəni həll edə biləcəkmi?

Baş prokurora gələn maraqlı qətl mesajları CBI-ı hərəkətə keçirir. Bu dəfə çox hörmətli və birjada ön sıralarda yer alan bir firmanın insan resursları direktoru öldürülür. İstintaq zamanı firmanın baş direktorunun (CEO) rahat davranışı Jane-də şübhə yaradır. O, ipuclarını bir araya gətirməyə başlayır.

Hipnoz, şüurlu ağıl əvəzinə təxəyyülə bağlanma üsuludur. Nə qədər mənasız və ya qəribə olsa da, ağıl təxəyyülün yaratdığını qəbul edir! CBI agentləri bu dəfə hipnoz edilmiş bir satıcının törətdiyi qətli aydınlaşdırmağa çalışırlar. Lakin işləri olduqca çətindir, agent Rigsby hipnoz olunanda vəziyyət daha da qarışır.

Keçmişdə senator olmuş varlı bir iş adamı öldürülür. Məlum olur ki, adam bir vaxtlar çox məşhur olan, lakin indi çox rol ala bilməyən həyat yoldaşına pul müqabilində rol düzəldirmiş. Narkotik şəbəkəsi ilə əlaqəsi olduğu aşkar edilincə işlər daha da qarışır.

Şahidləri müdafiə proqramında olan keçmiş bir mafiya üzvü öldürülür. CBI agentləri ipuclarını dəyərləndirərkən, Jane hadisəni daha qısa yolla həll etmək istəyir. Bunun üçün birbaşa mafiya liderinin özünün yanına gedir.

Proqram təminatı şirkəti Gaia Matrix-in baş direktoru Jim Gulbrand öldürülür. Qardaşı, keçmiş həyat yoldaşı, şəriki və ya yeni sevgilisi bu cinayəti törətmiş ola bilər. İstintaq zamanı Gulbrand-in arvadına verməmək üçün 10 milyon dolları gizlətdiyi ortaya çıxır. Pul tapılanda qatil də tapılacaq!

Problemli gənclərin qatıldığı özəl bir məktəbdə gənc bir oğlan öldürülür. Məktəbdə adətən şiddətə meyilli və ya qapalı, ətrafı tərəfindən təcrid olunmuş uşaqlar var. Məktəbin məqsədi təbiətlə iç-içə qalaraq mübarizə aparmağı və əsas intizam qaydalarını öyrətməkdir. Məktəbdəki bəzi qaydalar Jane-ə çox məntiqli gəlmir və o, hadisənin dərinliyinə enməyə qərar verir.

Red John üslubunda bir qətl törədilib. Qırmızı saçlı gözəl bir gənc qız parkda ağzı lentlə bağlanmış, əlləri və qolları bağlanmış vəziyyətdə boğulmuş halda tapılır. CBI araşdırması nəticəsində bütün ipucları qızın sirli sevgilisini qatil kimi göstərsə də, Jane buna inanmır və əsl qatili ortaya çıxaracaq bir plan qurur. Lakin işlər gözlədiyi kimi getmir...