Tavi Gevinson

Tavi Gevinson (21 aprel 1996-cı ildə anadan olub) amerikalı yazıçı, jurnal redaktoru və aktrisadır. O, 12 yaşında Style Rookie adlı moda bloqu sayəsində ictimaiyyətin diqqətini cəlb edib. 15 yaşına çatanda diqqətini populyar mədəniyyətə və feminist müzakirələrə yönəldib. Gevinson əsasən yeniyetmə qızlar üçün nəzərdə tutulan onlayn Rookie Magazine jurnalının təsisçisi və baş redaktorudur. O, həm 2011-ci, həm də 2012-ci ildə Forbes-un Media üzrə 30 yaşadək 30 ən uğurlu şəxsin yer aldığı siyahıya daxil edilib. 2014-cü ildə Time jurnalı onu “2014-cü ilin ən nüfuzlu 25 yeniyetməsi”ndən biri elan edib.