Emily in Paris

Emily özünəinamlı Amerika üslubunu və yeni ideyalarını Parisdəki yeni ofisinə gətirir. Lakin fransız dilini bilməməsi böyük bir problemə çevrilir.

Bir iş tədbirindəki coşqusu ilə çapkın və evli bir müştərini heyran edən Emily, özünü fransızsayağı sevginin mürəkkəb yollarında tapır.

Emily müstehcen yeni reklam kampaniyası ilə bağlı narahatlıqlarını dilə gətirərkən, santexnika problemləri, dil dərsləri və əsəbi iş yoldaşları ilə mübarizə aparır.

Yeni tanış olduğu xoş bir qadın, Emily-yə olduqca böyük və yeni bir potensial müştəri tapmaqda kömək edir. Lakin ofisdəki mürəkkəb münasibətlər müqaviləni təhlükəyə atır.

Emily sosial mediadakı izləyici sayının artmasının Parisdə onun üçün yeni qapılar açdığını fərq edir. Şəhərdə dostlarla keçirilən bir gecədə Emily və Gabriel baş-başa söhbət edirlər.

İkonik bir moda evindəki iclas sadə bir səhv üzündən pis nəticələnəndə, Emily təsəllini yaraşıqlı bir professorda tapır.

Dəbli bir qırmızı xalça tədbirində amerikalı bir aktrisaya göz-qulaq olmağı qəbul edən Emily-nin gecəsi və məsuliyyətində olduğu məşhur kino ulduzu nəzarətdən çıxır.

Emily-nin bir qəsrdəki həftəsonu səyahəti qazı qaçmış şampan kimi sönük keçir. Parisdə isə Mindy-nin köhnə dostları ilə görüşü möhtəşəm şəkildə başa çatır.

Xeyriyyə məqsədli bir hərrac, bağışlanan bir geyim və avanqard bir dizayner cütlüyü; Pierre Cadault-un varisinin gözünə kestirdiyi Emily-nin problemlərinə yenilərini əlavə edir.

Moda Həftəsi ilə bağlı fiaskodan sonra işi təhlükəyə düşən Emily, yaxın bir dostuna vida etməyə hazırlaşarkən, digər tərəfdən yeni bir plan qurmağa çalışır.