Harry Lennix

Vikipediyadan, azad ensiklopediyadan. Harold Jozef Lenniks III (16 noyabr 1964-cü il təvəllüdlü) amerikalı aktyordur. O, Robert Taunsendin "The Five Heartbeats" (1991) filmində Terrens "Dresser" Uilyams və elmi-fantastik "Dollhouse" serialında Boyd Lenqton rolları ilə tanınır. Lenniks NBC kanalının "The Blacklist" dramında FTB-nin Terrorla Mübarizə İdarəsinin direktor müavini Harold Kuper rolunu canlandırıb. O, həmçinin DC Genişləndirilmiş Kainatının "Man of Steel", "Batman v Superman: Dawn of Justice" və "Zack Snyder's Justice League" filmlərində J'onn J'onzz/Kelvin Svonvik/Martian Manhunter obrazlarını ifa edib. Lenniks "Purpose" tamaşasındakı roluna görə 2025-ci ildə "Toni" mükafatının "Ən yaxşı aktyor" nominasiyasına namizəd göstərilib.