Auschwitz komendantı Rudolf Höss, həyat yoldaşı Hedwig, uşaqları və xidmətçiləri ilə birlikdə röya kimi bir həyat sürür. Belə ki, ölüm düşərgəsinin divarına baxan möhtəşəm evləri düz qatar relsləri ilə qaz kameralarının arasındadır. Martin Amis-in eyniadlı romanı əsasında ekranlaşdırılan bu sarsıdıcı film, güllü-çiçəkli, geniş bağlarında, istixanalarında və hovuzlarında kef edən Höss ailəsinin başlarına ölüm külləri səpələnərkən davam edən adi gündəlik həyatını müşahidə edir.