Film, enerjili və xarizmatik müəllim Rainer Wegner-in avtokratiya haqqında keçdiyi dərs ilə başlayır. Şagirdlərin laqeydliyini görüb onların diqqətini cəlb etmək üçün bir təcrübə aparmağa qərar verir. O, şagirdlərindən özünü liderləri kimi qəbul etmələrini və ona "cənab Wegner" deyə müraciət etmələrini istəyir. "İntizam vasitəsilə güc" şüarını seçir, bir loqo yaradır və gizli işarələrlə ünsiyyət quran bu qrupa "The Wave" adını verir. Şagirdlər gözlənilmədən bu təcrübədən zövq almağa başlayırlar. Lakin qrup getdikcə nəzarətdən çıxır və qısa müddətdə təhlükəli bir həddə çatır. 1967-ci ildə Kaliforniyada baş vermiş real hadisəni müasir Almaniyaya uyğunlaşdıran "The Wave", faşizmin köklərinə dair təsirli və aktual bir hekayədir. Bir qədər şişirdilmiş olsa da, pis deyil. Avtokratiyanın əsl üzünü ortaya çıxarmağa çalışıblar və buna nail də olublar.