CIA mütəxəssisi Cek Rayan (Ben Affleck), üçüncü dünya müharibəsinə səbəb olmağa çalışan və əllərində nüvə bombası olan terrorçuların qarşısını almağa çalışır. Terrorçuların məqsədi bombanı partladaraq, bunu rusların etdiyi görüntüsünü yaratmaq və beləliklə Amerikanın cavab zərbəsi endirməsinə nail olmaqdır. Tom Klensinin məşhur romanı əsasında çəkilən film, xüsusilə nüvə partlayışı səhnəsi və ABŞ prezidentinin yaralı təsvir edildiyi kadrlar səbəbindən Ağ Ev tərəfindən ciddi etirazla qarşılanmışdı.