Rus və ingilis sualtı qayıqlarının yoxa çıxması iki ölkəni müharibə astanasına gətirir. Ələ keçirilən mikrofilm sualtı qayıqların üçüncü bir tərəfin nəzarətində olan texnologiya vasitəsilə qaçırıldığını üzə çıxarır. Bu hadisədən sonra MI6-in sevimli casusu James Bond və gözəl rus casusu Anya Amasova qüvvələrini birləşdirərək, şübhəli milyarder iş adamı Carl Stromberg-in izinə düşürlər. Stromberg-in məqsədi nüvə sualtı qayıqlarından istifadə edərək yer üzünü məhv etmək və sağ qalan insanlara dənizlərin altında yeni bir həyat qurmaqdır. Anya ilə birgə çalışan Bond həm də özünü gözəl tərəf-müqabilindən qorumalıdır, çünki əvvəlki tapşırığında onun sevgilisini öldürmək məcburiyyətində qalmışdı.