Gerçək bir hadisədən ilhamlanan film, bir ailənin başına gələnlərdən bəhs edir. Bir müddət əvvəl boşanmış basketbol məşqçisi Clyde (Jeffrey Dean Morgan) və zinət əşyaları dizayneri Stephanie (Kyra Sedgwick) arasında kiçik münaqişələr yaşanarkən, qızları Emily (Natasha Calis) və Hannah (Madison Davenport) valideynlərinin ayrılığından əziyyət çəkirlər. Kiçik Emily atasını çox sevir və ailəsinin yenidən bir araya gələcəyinə ümid edir. Həftə sonunu birlikdə keçirmək üçün Clyde qızlarını yanına götürür. Yolda köhnə əşyaların satıldığı bir evdə dayanırlar. Ev sahibi yaşlı qadın qısa müddət əvvəl faciəvi bir qəza keçirib. Müxtəlif antikvar əşyaların olduğu satışda Emily qara, taxta oyma bir qutunu bəyənir. Çox keçmədən qutuya olan marağı və bağlılığı getdikcə artmağa başlayır. Yanından ayırmaq istəmədiyi qutuya bir dost kimi bağlanır. Bununla yanaşı, Emily-nin davranışlarında da nəzərəçarpacaq dəyişikliklər baş verəcəkdir...