18-ci əsrin əvvəllərində İngiltərənin Fransa ilə müharibəsi davam edərkən, Kraliça Annin (Olivia Colman) taxtda olduğu saray və onun dəbdəbəli həyat tərzi bundan demək olar ki, təsirlənmir. Kraliça ilə yaxın "dost" olan Marlboro hersoginyası Sara Çörçill (Rachel Weisz) bir tərəfdən kraliçanın qayğısına qalır, digər tərəfdən isə onun əvəzinə ölkəni idarə edir. Hersoginya Saranın saraya yeni gələn qohumu gənc Abiqeyl Maşam (Emma Stone) Kraliça Annin sevimlisi olmaq üçün Sara ilə rəqabətə girir. Kraliça Annin səhhəti getdikcə pisləşərkən hakimiyyət, ehtiras, sevgi və paxıllıqdan qidalanan saray intriqaları da baş alıb gedir.