Akapella qrupu kimi tanıdığımız Barden Bellas, "Pitch Perfect 2" filmi ilə kinoteatrlara geri dönür. 2012-ci ildə təqdim olunan ilk film, yalnız qadınlardan ibarət bu musiqi qrupunun ən xoş musiqi parçaları və rəqsləri ilə müşayiət olunan hekayəsini böyük ekrana daşıyırdı. Filmin həm rejissoru, həm də prodüseri olan Elizabeth Banks ilə yanaşı, aktyor heyətində Anna Kendrick, Skylar Astin, Rebel Wilson, Adam DeVine, Anna Camp, Brittany Snow, Alexis Knapp, Ester Dean, Hana Mae Lee, Hailee Steinfeld, John Michael Higgins və Katey Sagal yer alırlar. Ekran əsəri Mickey Rapkinin kitabından Kay Cannon tərəfindən ssenariləşdirilib.