8 yaşlı İşan Avaşti heç kim tərəfindən qiymətləndirilməyən bir uşaqdır. Məktəbdə dərsləri zəifdir, üstəlik yoldaşları ilə də tez-tez dalaşır. Dostları, müəllimləri və ailəsi tərəfindən təcrid olunan İşan, intizamlı olması üçün ailəsi tərəfindən internat məktəbinə göndərilir. Burada da vəziyyət çox fərqli deyil. Ta ki, rəsm müəllimi Ram Şankar ilə tanış olana qədər. İşanın çox bədbəxt və tənha bir uşaq olduğunu fərq edən Ram, bunun səbəbini araşdırmağa başlayır. Onun əslində çox xüsusi bir uşaq olduğunu anlayan müəllim, səbir və qayğı ilə İşana özünü kəşf etməyə kömək edir.