Kaçma Birader

Ömer Faruk Sorak-ın supervayzerliyi ilə çəkilən “Kaçma Birader” filminin ssenarisi Emrah və Murat Kaman qardaşlarına məxsusdur. Baş rollarını Zafer Algöz, Melek Baykal, Emrah Kaman, Algı Eke, Cihan Ercan, Nejat Uygur, Alina Boz, Nursel Köse və Necip Memilinin paylaşdığı filmin rejissorları isə Murat Kaman və Defne Deliormanlıdır. “Kaçma Birader” sevdiyi qız üçün Yozqatdan İstanbula qaçan kiçik oğullarının ardınca İstanbula gələn, özünəməxsus bir ailənin Taksimdə keçən gülməli hekayəsindən bəhs edir. Yozqatlı ailə öz üslubunda İstanbulun nostalji küçələrində gəzintiyə çıxır. Bu ailə kinoteatrlara gülüş, qaçhaqaç və sürprizlərlə dolu bir macəra gətirəcək.