Hekayə Gareth adlı cəngavərin səmadan yerə düşən bir kometin ardınca yola düşməsi ilə başlayır. Cəngavər yerə düşən cismin bir ulduz olduğunu və onu tapacağı təqdirdə böyük bir sərvətə qovuşacağını düşünür. Lakin çatdığı yerdə ulduz əvəzinə yaralı bir əjdaha ilə qarşılaşır. Gareth əvvəlcə yaralı əjdahanı sağaldır və bununla da əjdaha ona borclu qalır. Yenidən əvvəlki gücünə qovuşan əjdaha bütün şər qüvvələrlə mübarizə aparmağa hazır olur. Beləliklə, onlar birlikdə bölgəni əsarət altına alan sehrbazlar və cadugərlərlə mübarizəyə başlayırlar.