İllər boyunca dünyanın müxtəlif yerlərində – Buenos-Ayres, Seul, Fransa, Almaniya, Çin – naməlum uçan obyektlərin (UFO) müşahidə edildiyi barədə məlumatlar yayılırdı. Lakin 2011-ci ildə bu görüntülər dəhşətli bir reallığa çevrilir və Yer kürəsi naməlum qüvvələrin işğalına məruz qalır. İnsanlar dünyanın böyük şəhərlərinin süqutunu izləyərkən, Los-Anceles gözlənilməz bir müharibədə bəşəriyyətin sonuncu müdafiə xəttinə çevrilir. Dəniz Piyadaları Korpusunun baş çavuşu (Aaron Eckhart) və onun yeni taboru, indiyədək qarşılaşmadıqları düşmənə qarşı sonuncu mübarizəyə başlayırlar.